Liker od nješpula

Liker od nješpula

2518
1
Podijeli
 

njespulaStađun je od nješpule ili japanske mušmule. Latinski naziv joj je Eriobotrya japonica. Ipak, porijeklom je iz jugoistočne Kine. Zimzeleno drvo visoko od 5 do 7 metara, krasi mnoge bašte u Boki, ima široku, bogatu krošnju. Listovi su svijetli i obrasli dlačicama i relativno veliki. Cvjeta tokom jeseni i zime, a plod sazrijeva u maju i junu. Plod nješpule je narandžasto-žućkast, veličine malo većeg oraha, veoma ukusan sa nekoliko velikih smeđih sjemenki, koje se lako razdvajaju od jestivog dijela.

Nješpula je voće puno vitamina i minerala, najčešće raste bez ikakvog hemijskog tretiranja, ali, na žalost, stabla najčešće i ostanu neobrana. Ovdašnje stanovništvo radije će posegnuti  za uvezenim voćkama, punim pesticide, čija cijena bude i preko tri eura.

Plodovi ove starinske i neodoljive voćke su odlični u pripremi želea, marmelade, sirupa, likera, voćnih salata, kolača. Mladi plodovi se koriste za pravljenje pita. Sirup se u tradicionalnoj kineskoj medicini koristi za ublažavanje kašlja. U Japanu se nješpula jede svježa ili konzervirana, jer joj plod zna biti presladak.

No, ako ste već pripremali likere od višanja, oraha, ruže, mandarina, probajte i veoma jednostavan od nješpula:

 

Potrebno:

 

1 kg svježih nješpula

½ kg šećera

1 l rakije (lozovače)

 

Priprema:

 

Oprati nješpule, posušiti, staviti ih u veliku staklenu teglu, dodati šećer i rakiju. Promješati, dobro zatvoriti i staviti na tamno mjesto. Povremeno promješati, svakih par dana.

Kada, kao i za sve likere, 40 dana procijediti kroz gazu ili sitno procjedalo i uliti u boce.

1 komentar

  1. Stabla su neobrana,jer mnogi nijesu od malena naučili na taj ukus,a oni koji su ih imali u dvorištu i te kako znaju da ih iskoriste ako su vaspitavani bokeljski,uz svoju babu koja je temelje za život dala.

    0

Ostavite komentar

*

code