Kada dođe vrijeme Uskrsa, u mnogim domovima u Boki zamiriše pinjica. Domaćice imaju razne recepte, manje-više uspješne, ali onaj koga se Novljanka, Mira Martinetti drži, više od 40 godina, je tradicionalan, pravi bokeljski, koji se prenosi generacijama.
Mirina pinjica je izdašna, mekana, ukusna i mora da uspije. Evo, njenog recepta za čitaoce portala Radija Jadran:
Potrebno:
1kg brašna,
7 žumanaca i 2 cijela jaja
8 ožica cukra
Kocka cijela i malo od druge svježeg kvasca
2,5 dcl mlijeka
200 gr putera (ili margarina “Dobro jutro” sočnija je)
3 ožice ulja
200 grama grožđica
Malo ruma
Šaka sjeckanih orancina ili suvih kajsija
Kora domaćeg limuna
Kora domaće naranče
Priprema:
U zdjelu sipati brašno, napraviti rupu u sredini za jaja. Rukom mijesiti polako iz sredine, dodavati ostale sastojke, s tim što kvasac treba prethodno potopiti u mlako mlijeko sa kašikom cukra i kašikom brašna. Grožđice treba prethodno dobro oprati u toploj vodi, ocijediti i potopiti u malo ruma. Sve miješati rukom dok se ne poveže tijesto i ne počne da odvaja od zdjele.
Ostaviti da nadođe oko sat, ili sat i po na toplo. Onda premijesiti lagano i preručiti u teću obloženu papirom i pustiti opet da nadođe. Peći na 160 stepeni 50 minuta. Ne treba čekati da se zagrije pećnica nego odmah staviti i uključiti.
Prijatno!
So ne treba.Ne pametujte kumim vas
. .Recept sam probala Mirin i odlican je..Vi stavljajte i mast i puter ili onaj margatin stoni…ali ja sam bas sve ovako radila i cudo nevidjeno!Pravim pinjice vec desetak godina po raznim receptima ali ovaj je bez greske.Narasla,socna,mekana.Hvala Miri.
3
2
Sto se ljutite VI koje ne znate,Mira je samo zaboravila da nabroji so.Većina ne zna nista,a misli da zna sve,idem i ja nedje ponekad pa vidim.
5
2
Kako ova bokeljka prica ozica sa jedne strane a grami sa druge strane? Koliko sam ja upucen, za mjernu jedinicu se koristio dek.
100grama = 10 deka/ 200grama=20 deka
7
5
Jesu li Bokeljke vazda mijesile sa dobro jutro margarinom i bez soli,,a oprostite?
3
14
Recept odličan, Miro hvala.. .Evo je peče se i narasla je za nevjerovat….Preporučujem!
Sretan i blagoslovljen Uskrs želim!!!
10
2
Hvala
?
21
4