Početna Društvo Na Žvinjama gorjelo nisko rastinje, uzrok požara zapaljenje trafo stanice

Na Žvinjama gorjelo nisko rastinje, uzrok požara zapaljenje trafo stanice

1

Brzom reakcijom mještana i intervencijom pripadnika Službe zaštite i spasavanja, nešto poslije podneva ugašen je požar na Žvinjama, gdje je gorjelo nisko rastinje i šuma.

Uzrok požara bilo je zapaljenje u trafo stanici na Žvinjama, a opožarena je površina od oko 500 kvadratnih metara. Plameni jezici bili su na 50-ak metara od najbliže kuće, ali je požar lokalizovan za oko pola sata, priča za Radio Jadran, vođa smjene u SZS, Miloš Matović.

Poziv za intervenciju službi je upućen u 11.50 h:

„Gorjela je pretežno žukva i kupina, nisko rastinje, suva trava i paprta, na oko 500-600 kvadrata. Stigli smo brzo i požar je u potpunosti ugašen. Požar je bio u blizini kuće Nikole Vuzkasovića, kad se krene prema Špuljama“, kazao je Matović.

Intervenisala su 4 pripadnika Službe sa dva vozila, dok će mještani nadgledati požarište u slučaju eventualnog ponovnog zapaljenja.

Na terenu su osim pripadnika Službe, bili i tehnička ekipa Elektrodistribucije.

Jutrošnja akcija za hercegnovske vatrogasce nastavak je niza akcija koje su imali proteklih petnaestak dana. Prema riječima komandira, Zlatka Ćirovića, posljednja velika akcija bila je u nedjelju, kada si išli na ispomoć kolegama u Nudolu, gdje su pomagali u gašenju dvije kuće više od 12 sati. Na intervenciju su otišli u nedjelju oko 15, a vratili su se juče ujutru oko 10 i po sati.

Proteklog petka intervenisali su na gašenju kuće u blizini vrtića na Savini.

Iz ove službe su ponovo apelovali na građane da se uzdržavaju od paljenja na otvorenom prostoru, a da u slučaju zapaljenja odmah kontaktiraju službu, na dežurni telefon 123.

1 komentar

Ostavite komentar

Please enter your comment!
Please enter your name here

*

code